കേരളമുസ്‌ലിം ജമാഅത്ത് മഹല്ല് സാരഥി സഗമം നടത്തി

കൽപ്പറ്റ:വിദ്യാഭ്യാസം,തൊഴിൽ തുടങ്ങിയ മേഖലകളിൽ മഹല്ലുകൾ സ്വയം പര്യാപ്തത കൈവരിക്കേണ്ടതുണ്ടെന്നും മഹല്ല് നേതൃത്വത്തിന് ഇതിൽ വലിയ ഉത്തരവാദിത്വങ്ങൾ നിർവഹിക്കാനുണ്ടെന്നും കേരള മുസ്‌ലിം ജമാഅത്ത് സംസ്ഥാന സെക്രട്ടറി മാളിയേക്കൽ സുലൈമാൻ സഖാഫി പറഞ്ഞു. കേരള മുസ്‌ലിം ജമാഅത്ത് വയനാട് ജില്ലാ കമ്മിറ്റി നടത്തിയ മഹല്ല്സാരഥി സംഗമത്തിൽ വിഷയമവതരിപ്പിച്ചു സംസാരിക്കുകയായിരുന്നു അദ്ദേഹം. രാജ്യത്തെ വിവിധ മത പിന്നാക്ക വിഭാഗങ്ങൾ വിദ്യാഭ്യാസ സാമൂഹിക മേഖലകളിൽ തുല്യത കൈവരിക്കുമ്പോഴാണ് നാം യഥാർത്ഥ ലക്ഷ്യത്തിലെത്തിച്ചേരുന്നത്. കേരളമുസ്‌ലിം ജമാഅത്ത് ഇതിനായുള്ളു വിവിധ പദ്ധതികളാണ് സമസ്‌ത സെൻ്റിനറിയുടെ ഭാഗമായി ആവിഷ്ക്കരിച്ചു നടപ്പിലാക്കി വരുന്നതെന്നും അദ്ദേഹം പറഞ്ഞു .സുൽത്താൻ ബത്തേരി മർകസുദ്ദഅവയിൽ നടന്ന സംഗമം സമസ്‌ത കേരളജംഇയ്യത്തുൽ ഉലമ ജില്ലാ പ്രസിഡൻ്റ് പി.ഹസൻ മൗലവി ബാഖവി ഉദ്ഘാടനം ചെയ്തു. കെ.ഒ അഹമദ്കുട്ടിബാഖവി അദ്ധ്യക്ഷത വഹിച്ചു.അലിമുസ്ലിയാർ വെട്ടത്തൂർ,എസ്.ശറഫുദ്ദീൻ,കെ. എ സലാം ഫൈസി,കെ. എസ്.മുഹമ്മദ് സഖാഫി,കെ.കെ.മുഹമ്മദലി ഫൈസി,ലത്തീഫ് കാക്കവയൽ,ഇ.പിഅബ്‌ദുല്ല സഖാഫി,ആലാൻ അന്ത്രുഹാജി,എസ്.അബ്‌ദുല്ല,പി സി അബുശ്ശദ്ദാദ്,സി എച്ച് നാസർ മാസ്റ്റർ ,സയ്യിദ് ഹാശിം തങ്ങൾ,ഹംസ ഹ്‌സനി,സൈത് ബാഖവി തുടങ്ങിയവർ സംസാരിച്ചു.